على ظروف الوقت ماعاد بي حيل .
همي وجع راسي وكبدي دبلها :

ظروفً وقت كنها مدبر ( السيل )
في سهلها ولاِ لجت في جبلها ،

لو مرت الصاحين بعض التفاصيل
اعقولهم منها تبى تصير ( بلها )


دنيا ليا شانت بوجه( المشاكيل )
تنقص عزائمها وتنهي ( املها )

على مناكبهم : تجي حطه وشيل
وعلى مجالسهم ؛ تجيك تعقلها .


لكن ليا ضاقت ؛ تبان ( الرياجيل )
ولا كبرت القاله يبين ( جملها )


وانا معنزها على صفوة الجيل
اللي ليا مالت بكفه عدلها .

راس الامير ولاتظرى على الميل
لو مالت ؛ املوك الدول مع دولها

حفيد من قد جاتهم ( بالمصاقيل )،
اللي : ماتحصر بالملاقا( نبلها )

وذخر الأصيل اللي معقبله اصيل
من بذل كفه كم مده ( دبلهاااا )

هذاك عبدالله زبون المقابيل
يضحك : بوجه المعضله ويعزلها

كم من لزومنً قد قضاه بمراسيل
و كم عقدهً لا جتْ يجييك بحللها .

كل الدعاوي في جنابه ( تساهيل )
لا قام فيها ( مايطووول باجلها )


له فعلن يكفي ْ عن القال والقيل
وله قومةً يتعب لها من ( صملها )


واقصوره اللي كلبووووها : مداهيل
للي من ظروف الليالي وصلها

مشرع ً بيبانها الصبح والليل
ولا على وجيه النشاما قفلها :

لان فعوله ( طبع ) ماهي بـ تمثيل
ولان ؛ المواقف لا حضرها ( بطلها )

غيث الفقارى ذابح الحشو والحيل
و ذرا اليتاما ( لا تقوت عللهها )


وابيض وجه جعل فداه المهابيل
ومروجين الكذبه ومن نقلها

وكفه عطاياها سوات الهماليل
يبينْ في وجيه النشاما عملها