• ×
السبت 18 ذو الحجة 1441 | 13-12-1441
صحيـفة نـجد

قصيدة شعرية لـ أم فهيد السويدي، في أبنها مقبل

صحيـفة نـجد

 0  0  25886
صحيـفة نـجد
image

هذه الأبيات لـ أم فهيد السويدي
قالتها بأبنها / مقبل ثويني فهيد السويدي الشمري، حينما صدر قرار المرابطة للجيش السعودي على الحد الجنوبي ..
الله يسدد رميهم وينصرهم عاجلاً ..

يوم جت الأوامر من الحفر حركوا قوّة
يم الحد الجنوبي روّحت تطرق اعلامه

مثل السحاب اللي متخيّلن نوّه
تسمع نزيز الرعد والبرق ضيّانه

وفوا حماة الدار بالعهد والخوّة
ومشوا عليهن عقب تدريب وصيانه

اللي ترك عياله واللي معرسن توّه
واللي امه عجوز وراه مانامه

تدعي لولدها يالله به رجواك ولجوّه
وانا ولدي معهم شد الظهر بحزامه

يامبصرن بأيوب وياكاشفن سوّه
يامرجعن يوسف وياجالي احزانه

يامنجي ابراهيم من نار شِعم ضوّه
وياحامي هل الغار من الكفار عدوانه

تحمي عيالنا من اللي حربهم مموّه
مرسال حزب الله وخوُّان جيرانه

وجيش تبوك من مبطي مهو توّه
مصالين نار الحرب وان ثار بركانه

ماعلينا من كذوب هرجه مشوّه
كل شجاع مثبتن فعله بميدانه

طيّارنا اللي بالسماء صعد جوّه
مثل الشهاب اللي رجم راس شيطانه

قوّة الحرس اللي بهم دين ومروّه
وافعالهم اللي اثبت التاريخ برهانه

ورجال امننا نطلب لهم النصر والقوّة
حنا ننام وهم لنا عين سهرانه

ياما احبطوا من مخطط وابطلوا سوّه
حمّاية الدين بالشرع واركانه
 0  0
التعليقات ( 0 )
أكثر

للمشاركة والمتابعة

جميع الأوقات بتوقيت جرينتش +3 ساعات. الوقت الآن هو 05:57 مساءً السبت 18 ذو الحجة 1441.

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

كل مافي هذه الصحيفة خدمة لكم ،، ونسعى للأفضل ،، وجميع الحقوق محفوظة لأصحابها